طارطة حسن من ديال باتسري و ساهلة ما فيهاش بزاف مكونات

مقادير بافاروا اللي صايبت و اللي جات غزالة حسن من ديال باتسري و ساهلة ما فيهاش بزاف مكونات اقتصادية و ساهلة فخدمتها فيها الطبقة الاولى جنواز الطبقة الثانية كريم و شكلاط و الطبقة الثالتة كلاصاج مروار
الطبقة الاولى 3 بيضات+75 غ سكر+ 60غ دقيق+1 فاني
كنطربو الابيض بوحدو مع قبصة ملح و الاصفر مع سنيدة و الفاني و الدقيق و كنزيدو عليه الابيض بشوية حتى ينسجم و نديروهفي طاوة للفران 10 دقايق
غير طيب نغطيوها بزيف فازك شوية و ندوزو للكريم فيها 400غ كريم شونتي+300غ شكلاط اسود+10 غ كريم شونتي+50غ سكر+4 اوراق جيلاتين
كنطربو 400غ كريم مع السكر و في حمام مريم كندوبو الشكلاط و كنزيدو عليه الجيلاتين اللي سبق لينا دوبنا فالماء و نحركو مزيان ايقصاح متخلعوش زيدو 10غ كريم و رجعوه فوق النار ايولي خاتر و الى دفا زيدوه على الكريم
كنقطعو الحلوة بقطاعة و كنسقيوها بالسيرو و كنكبو الخليط و ندخلوها فريكو 4 ساعات على الاقل
الكلاصاج : 100غ ماء+115غ سكر+80غ كريم شونتي+25غ كاكاو+2 اوراق جيلاتين كنديرو الماء و السكر فوق النار غير يدوب سكرو نزيدو كريم فريش و الكاكاو و الجيلاتين اللي سبق و درنا فالماء و غير يغلي ندوزوه فصفاية و نكبوه فوق الحلوة و نرجعوها فريكو ساعة راني تقريبا مهبطا ليكم جميع المراحل بالصور كنتمنى تجربوها انا متاكدة غادي تعجبكم خصوصا اللي كيعجبو الشكلاط بحالي و بالصحة