نبداو على بركة الله
تكون عندكم اي جينواز كتصدق ليكم
اولا نعمل 6 اوراق الجيلاتين ترطاب في الماء
ثانيا نحضر صلصة الفراولة على الكل التالي
نعمل على النار 400 كرام فراولة مغسولة ومقطعة مع 5 معالق كبار سكر
نتركها تطبخ على نار متوسطة مع التحريك نترك الخليط يغلي لمدة 3الى 4 دقايق ونطفي النار
ونضيف 3معالق كبار عصيرالليمون الحامض
نترك الخليط يبرد تماما تم يطحن ولي بغات تخليه كماهو ممكن كيف عملت انا وممكن لي بغات تصفيه المهم النتيجة واحدة حصلنا على صلصة الفراولة نحتفظ بيها لعدة استعمالات
ثالتا خلطت 3دانون مسوس مع 150 كرام سنيدة وساشي فاني بالمعلقة الخشبية
من بعد ضفت 2 علبات ديال جبن جبلي وكملت التحراك غير شوية بالخشبة وعاد كملت بالضراب الكهربائي لمدة دقيقة
عاد نضيف 200كرام من القشدة الطرية انا كنستعمل هولالا اما العلبة لي كتشوفوها ديال القشدة غير كنعبر بيها 200 كرام من هولالا
ونكمل الخفق لمدة 2 دقايق حتى الحصول على خليط ناعم
نقسم الخليط الى قسمين
قسم فيه الثلت وقسم فيه الثلتين
الان ضفت كاس كبير من صلصة الفراولة ولكن جاني الخليط شوية جاري نتوما ديرو كاس صغير من صلصة الفراولة وقطرات من الملون الاحمر انا مستعملتهاش وكمية من الجيلاتين لي دوبناه في 5 معالق كبار من الماء على النار الى الاناء لي كيحتوي على ثلت الخليط
ونضيف ماتبقى من كمية الجيلاتين في الاناء لي كيحتوي على ثلتي الخليط
تم نبداو نفرقو الخليطين فوق الجينواز بالطريقة الاتية معلقة كبيرة خليط ابيض تم معلقة كبيرة خليط احمر حتى نكملو الدورة تم نبدا بالعكس فوق اللون الابيض نحطو معلقة كبيرة خليط احمر وفوق اللون الاحمر نحطوا معلقة كبيرة خليط ابيض حتى نكملو
وناخدو عود ديال الشواء ونبقاو نحركوا بطريقة عشوائية
منبعد نكبوا قطرات من صلصة الفراولة ونعملوا نفس الحركات العشوائية بعود الشواء باش نحصلوا على تموجات وتدخل للتلاجة ليلة
كاملة ماشي الفريكو غير التلاجة العادية
وهاهي واجدة بالصحة والراحة
