هادي غديوة بهبرة السمك الأبيض وسلطة عادية ولكن ممخوضة وعصير ديال المندرين والحامض بحال ميامي وبطاطا فريت فالفرن
كنشحرو البصلة مزيان مع زيت والملحة كنزيدو تومة ومطيشة مقطعة طراف والعطرية طحميرة وخرقوم وسكنجبير والبزار والربيع والزيتون خضر مقطع كنخليهة طيب شوية أنزيد كاس كبير ديال الماء w طريفات ديال الحوت محيد لها شوك وملاحسن اتقطع بحال ديال القطبان والزبيب ملي تغلى مزيان ندخلها لفران سخون تقريباً 15d أو حتى تبدا تنشف نطفو عليها ونخلوه شوية وسط الفران أكانقدموه سخون
لبطاطا كانقيها ونقطعها ونديرها فزلفة غارقة ونسخن شوية زيت عادية مع ضريس ديال توم ونكبها على البطاطا ونحركها مزيان بش تغطى بزيت ونستفهة فلاطا وندخلهة الفران مع الحوت دغية كطيب
السلطة كندير مطيشة وفلفلة والخس وممكن البصلة مقطعين والخيار مقطع أو محكوك كندرهة فباطة ونزيد عليها شوية ملح وبزار وزيت بلدية وشوي الخل نغطيها ونمخضهى مزيان كتجي بنينة
والعصر كنديرو مندلين مقشر تقريباً2kg ومعاهم حامضة بقشرتها مقطعة ومنقية مالعلف نطيبو فكoكوت ونخليه ابرد أنزيد سنيدة حسب الدوق أنا كانزيد 3 معالق فقط وكانطحنوه ونصفيو. فشي شبكة انهته فتلج ملي كايبات كيجي أحسن
وها لغداء ديالنا وجد كنتمنى اعجابكم راه ساهل ماهل
0 التعليقات:
إرسال تعليق