تحضير الشنيك

مقادير شنيك:
350g دقيق
١ خميرة ديال الحلوى
2 معالق ديال خميرة حبوب أو شوية من المعجونة
60g سنيدة
١ vanille
125 مل ديال لحليب دافي
بيضة
شوية ملح
50 ج زبدة لينا
شوية زبيب محلول ف ل ما  سكر شوية vanille

مقاديرالكريم باتسيير
كاس حليب
بيضة
معلقة كبيرة دقيق
3 معالق سنيدة
vanille
ممكن تزيدو شوية من عصير الحامض + قشور الحامض كيزيدو نسمة زويييينة

طريقة ديال عجين شنيك

كاتخالتي ل مقادير كاملة من غير زبدة أ زبيب كاتزيديهوم حتى الأخير
تدلك مزيان

راه كاتجي خفيفة بزاف يعني بلا ماتزيدوها لا دقيق لا والو
كووروها أ خلوها ترتاح شوية بي ما وجدته الكريم

طريقةتحضير باتسيير
ف كسرنا كاتخالتي جميع المقادير كتحركي مزيان أ تشعل العافية أ تبقي تحركي حتى يعقد
صافي طفي عليه أ خاليه يبرد

 سيري كملي العجين
تلقيها ب المدلك تكون رقيقة

 دهنيه ب الكريم لويها على بعضها

 ردي تجيبو واحد طرف ديال الخيط
هو باش غدي تقاطعها
كاتجي سهلا ماكاتاخسرش ف المنظر

كاتاخشيو تحت العجين  تشوفه لقياس لي بغيتو تالويوه بحال إلى غادي ديرو شي عقدة أ كاتقاتعو

صافي ساتفوها ف طاوة مدهونة أو فيها ورق زبدة

 كانبسطهم غي شوية
 خلوها تخمر واحد 40 دقيقة أو ساعة على حساب الجو
دهنها ب البيض محلول ف شوية د الحليب
دخلها الفرن

لي طيب دهنها ب الناباج او العسل أو confiture  ديرو عليها لوز مقلي أ مهرمش
 بصحة أ راحة