طاجين بالحمام معمر باللوز

المقادير :
4 حمامات 
4 بصلات كبار 
160 غ تقريباً عقدة اللوز 
ربيع مقطع 
جوج فصوص ثوم
معلقة صغيرة من كل من : سمن ، تحميرة ،سكين جبير محكوك أو جاف, خرقوم 
الملح والابزار حسب الدوق , زعفران ,زبيب 
شوية لويزات محمرة لتزيين
بالنسبة لعقدة اللوز ، درت الماء يسخن مزيان ، وصبيتو على لوز واحد شوية حتى يبرد الماء ونحيد الجلدة  كتحيد بسهولة ونطحن اللوز مع نصف الكمية ديال سنيدة ، ضفت عليه شوية قرفة ومعلقة وحدة زبدة وخلطت المكونات مزيان حتى حصلت على عقدة ، هادي مجرد فكرة يمكن حتى متعمروش الحمام بها ويمكن تعتمدو الطريقة الخاصة بكم في تحضير العقدة
نديرو الطاجين يسخن ، نضيفو عليه بصلة مشلضة وزيت الزيتون وفصوص التوم ورشة ملح نتسناو شوية حتى البصلة تبدا طلق الماء ديالها نزيدو التوابل لعندنا وربيع مقطع والعافية قد ماكانت ناقصة ومهيلة كل ما كان حسن ، نتسناو البصلة حتى طيح مزيان ، ساعتها نضيفو الحمام لمغسول مزيان ومقطر ومعمر يتقلى على راحتو من جميع الجوانب
المهم وحنا كنقليو الحمام ونقلبو فيه ، نزيدو الماء وبالخصوص إلا كان الطاجين باقي جديد وناشف ديمة فيه العطش من بعد ندوبو الزعفران في شوية الماء سخون ،
 نزيدو البصلة مقطعة إلى نصف دوائر والزبيب و الزعفران